HARIRING NU KUNGSI NYANDING

Hariring Nu Kungsi Nyanding

Laras: Pelog/Degung Surupan: 1=Tugu

Sanggian: Mang Koko Rumpaka: Winarya Art

Purnama nu kungsi leungit

Ayeuna dating ka buruan deui

Anu kungsi kapiati

Kiwari urang ditepangkeun deui

Hariring nu kungsi nyanding

Ayeuna datang ngahaleuang deui

Hayu patarema tineung

Cacapkeun meungpeung aya kasempetan

Ayeuna mangsa nu endah

Hayu urang suka bungah

Caang bulan opatwelas

Narawangan ati bangblas

Ayeuna mangsa nu endah

Hayu urang suka bungah

Caang bulan opatwelas

Narawangan ati bangblas

HARIRING BANDUNG

Hariring Bandung

Laras: Pelog/Degung Surupan: 1= Tugu

Sanggian/Rumpaka Ujang Suwarna

Hariring hariring Bandung

Haleuang haleuang Bandung

Ngagalindeng sora degung

Mirig lagu degung panggung

Aduh Bandung, Puseurna Parahyangan

Aduh Bandung, Bandung tempat kabudayan

Kota kawarti , Pinuh wawangi

Bangsa lian oge mandang

Bandung nelah kota kembang

Nu kiwari

Bandung nu ngandung sajarah

Dayeuh  AA  nu katelah

Hariring, yu! Pikaeling

Haleuang, yu! pikamelang

Ka para nonoman Sunda

Kade lali budayana

BANGBARA

Bangbara

Laras: Madenda Surupan: 4=Tugu

Sanggian/Rumpaka Ubun Kubarsyah Abu Iloh

Katresna deudeuh nu maneuh

Teu luntur kungsi pajauh, pajauh

Katresna deudeuh nu meumeut

Teu laas nyorang papisah, papisah

Gumebyar caangna bulan

Kungsi kahalangan mega, duh….

Asih kasilih wanci

Kutulisan nu pinasti

Bangbara leungiteun kembang

Kareumpeukan dangdaunan

Bangbara duh bangbara

Huang hieung katalimbeng

Bangbara leungiteun kembang

Taya geusan pamuntangan

Pangancikan titis asih

Ditaman langgeng kaheman

KARTINI SARTIKA

Kartini Sartika

Laras:  Pelog/Degung Surupan: 1=Tugu

Sanggian/Rumpaka Atang Warsita

Ieu abdi istri jaman kiwari

Rek neruskeun cita-cita Kartini

Sangkan istri bias hirup mandiri

Salawasna teu gumantung ka  lalaki

Ieu abdi mojang jaman ayeuna

Rek neruskeun tekad Dewi Sartika

Pikeun ngangkat harkat kaum wanita

Bias tandang sadarajat reujeung pria

Kartini , Dewi Sartika

Pahlawan kaum wanita

Cita-citana nu mulya

Dina ngabela kaumna

Berjuang teu pamrih jasa

Wanita jaman ayeuna

Mangka nyaah ka dirina

Sing eling ka tuturusna

Kartini Dewi Sartika

Rela korban jiwa raga

SAMINGGU KALANGKUNG

Saminggu Kalangkung

Laras:  Madenda Surupan: 4=Tugu

Sanggian/Rumpaka Atang Warsita

Saminggu kalangkung

Urang tepung mung salangkung

Salira mendung di paying

Mungguh lucu tur kayungyun

Raksukan kabaya Bandung

Saminggu katukang

Urang tepang di pengkolan

Bari leumpang rerendengan

Najan ukur saliwatan

Teu sangka janten kenalan

Saminggu nu tos kaliwat

Hate bet nganteng tibelat

Ngahaja arek dipegat

Salira taya ngaliwat

Saminggu nu tos kalangkung

Hate teh teu weleh gandrung

Piraku salira pundung

Saminggu ngantosan

Salira taya nembongan

Bingung kumaha carana

Kamana kedah nyusulna

Teu puguh laratanana

ANGKREK JAPATI

Angkrek Japati

Laras: Madenda                         Sanggian Mang Koko
Surupan: 4 = Tugu                Rumpaka: Wahyu Wibisana


Angkrek Japati na cangkring keur karembangan

Sisi wahangan barodas

Kareta api geus datang sinyal geus muka

Reug di stoplas Cibodas

Gupay gupay digupaykeun ku manehna

Reumbay-reumbay anaking

Reumbayna nginjeum cipanan ku manehna

LIWUNG

L I W U N G

Laras: Madenda Surupan: 4=Tugu

Sanggian: Maman Swp Rumpaka: Kos Warnika

Aya lagu ilang sirna na kacapi

Lebah madakeun teu daya pikeun nganggitna

Diri kaseuit ku kecap pileuleuyan

Nu kungsi dikedalkeun keur dirina

Kembang asih seungitna ngadalingding

Cenah cinta sawarga hirup

Hamo leungit sanajan dugi kapati

Tapi bentang nu dipuntangan

Ukur pangreka impian